Dechreuodd Adrian ei yrfa lwyddiannus yn y diwydiant lletygarwch mewn tafarndai a chlybiau nos mewn dinasoedd ledled Lloegr, cyn dychwelyd adref i Gwm Rhondda yn 2011 i ddod yn landlord ar dafarn The Lion. Mae'r Lion, oedd wedi'i restru'n westy masnachol mor bell yn ôl â 1881, wedi bod yn eiddo i lawer o wahanol fragdai ac mae nifer o landlordiaid gwahanol wedi bod yn gyfrifol amdani, ond mae’n bosibl dweud nad yw’r un ohonyn nhw wedi chwarae rhan mor amlwg yn y gymuned ag Adrian. Yn ei eiriau ef, mae’r dafarn “wrth galon y gymuned. Rydyn ni wedi colli ein heglwysi, ein clybiau ieuenctid a'n clybiau cymdeithasol – felly mae gan dafarn ran enfawr i’w chwarae.” Ers i Adrian gymryd y llyw, mae'r Lion wedi ennill gwobrau am y Bar Chwaraeon Gorau a’r Dafarn Gymunedol Orau yn y Great British Pub Awards.