Yn debyg iawn i nifer o fenywod ifainc eraill Cwm Rhondda yn dilyn y rhyfel, dechreuodd Elaine ei bywyd gwaith yn ffatri Polikoff pan oedd hi yn ei harddegau yn y 1960au. Sefydlwyd y ffatri ddillad yn Ynys-wen ym 1939 a chyflogodd miloedd o bobl o'r ardal leol dros y blynyddoedd. Roedd hefyd yn darparu achlysuron cymdeithasol ar gyfer y gymuned ehangach, gan gynnwys dawnsfeydd rheolaidd yn y Clwb Polikoff, Pentre; ac ar lawr y ffatri blodeuodd llawer o berthnasau newydd – cyfarfu Elaine â’i chariad cyntaf yno. Ail-hyfforddodd Elaine fel nyrs yn ei 40au, ond yn ei geiriau ei hun, ffatri Polikoff a “roddodd fy annibyniaeth i mi ac fe agorodd fy mywyd.”